Татар Янтыгы авылы халкы җәй тәмен тойды

Карбыз көне нәкъ 1878 елда АКШта барлыкка килгән. Хәзер исә аны бөтен дөньяда билгеләп үтәләр. Бу көнне Татар Янтыгында да беренче ел гына бәйрәм итмиләр. Әлеге бәйрәм датасы өченче августка туры килә. Бу зур җиләк эссе җәйге көндә сусауны басу өчен иң кулай нәрсәнең берсе булып тора.Карбыз уңышыннан авыз итәргә һәм күңел ачарга бик күп авылдашлар — кечесеннән алып олысына кадәр җыелды. Алар бергәләп төрле күңелле уеннар уйнадылар, «карбызлы» табышмакларга җавап эзләделәр, бию флешмобларында катнаштылар.Бәйрәмнең иң кызыклы ноктасы — яңа өзелгән карбызлардан авыз итү булды. Бәйрәмгә килгән һәркем үзенең шатлык һәм яхшы кәеф өлешен алды.Ял көне моның белән генә тәмамланмады. Кояш баю белән дискотека башланды, ул бу ачык һәм күңелле көнне йомгаклады.
Фотоны Раушания Кашапова тәкъдим итте.