Безнең кунаклар – күрү сәләте буенча инвалидларның Казан оешмасы вәкилләре өчен Сабантуй үткәрүдә ярдәм итүчеләрнең барысына рәхмәт белдерәм.

Бәйрәм булган Лаеш ягы музее директоры Фәридә Мортазинага рәхмәтлемен.

Безнең кунакларны “Вдохновение” клубы әгъзалары (җитәкчесе Зөһрә Лезина) җырлар һәм коймаклар белән каршы алды. ”Подруги” клубы (китапханә) үзешчән артистлары татар һәм мари биюләре башкардылар. Кунаклар арасында оста баянчы бар иде, теләсә нинди көйне суздырды, Сабантуйда катнашучыларны сөендерде. Ә алар аркан тарттылар, бәйгеләрдә һәм уеннарда көч сынаштылар. Музей хезмәткәре Альбина Емельшина эчтәлекле экскурсия үткәрде.

Лаеш районы күрү сәләте буенча инвалидлар оешмасы җитәкчесе Гөлшат Абдуллина.