Татарстанда «Гырон Быдтон» удмурт бәйрәмендә каз белән ботка әзерләү буенча Россия рекордын куйдылар

Бәйрәмдә ТР Дәүләт Советы Рәисе Фәрит Мөхәммәтшин катнашты.

— Гырон Быдтон, Сабантуй, Каравон, Семык, Уяв һәм башка күп кенә бәйрәмнәр республикада Татарстанның күпмилләтле халкы арасында дуслыкны һәм татулыкны саклау турында ничек кайгыртуларын күрсәтә. Башкача яшәп булмый, — диде Фәрит Мөхәммәтшин.

Татарстанда үз гореф-гадәтләрен, мәдәниятен һәм телен сакларга омтылган 173 милләт һәм халык вәкилләре яши. Республика җитәкчелеге аларга ярдәм итә.

«Гырон Быдтон» бәйрәмендә бик күп кызыклы вакыйгалар булды. Ләкин иң кызыклысы «Вось жук» удмурт боткасы булды, аны әзерләүгә 40 кг бодай ярмасы, 20 кг каз ите һәм 15 кг май һәм суган китте. Аш- суның гомуми авырлыгы, әзерләү өчен савыт белән бергә — 290 килограмм, ә ботканың чиста авырлыгы 248 килограмм тәшкил итте. Бу Россия рекорды булды!