РИА Новости хәбәр иткәнчә, РФдә гаиләләргә ярдәм мәсьәләләре буенча Дәүләт Советы утырышында Путин 2025 елны Ватанны саклаучылар елы дип игълан итү тәкъдиме белән чыгыш ясады.
— Бүгенге темага турыдан-туры бәйле булмаган, әмма ил өчен зур әһәмияткә ия булган тагын бер мөһим карар, — дип аңлатты Владимир Путин үз тәкъдимен. — Киләсе елда Бөек Җиңүнең 80 еллыгын билгеләп үтәчәкбез. Шуңа бәйле рәвештә 2025 елны Ватанны саклаучылар елы дип игълан итәргә тәкъдим итәм. Бүген махсус хәрби операциядә катнашучылар — безнең геройларыбыз хөрмәтенә һәм төрле тарихи чорларда Ватан өчен көрәшкән ата-бабаларыбызның батырлыклары истәлегенә. Нацизмны җимергән аталарыбыз, бабаларыбыз даны хакына.
Сентябрьдә ТР рәисе Рөстәм Миңнеханов шулай ук 2025 елны Татарстан Республикасында Ватанны саклаучылар елы дип игълан итте.
Нет комментариев