Җәй уртасы — яңа башлангыч: бушаган түтәлгә нәрсә чәчәргә?

Календарьда июль ае булса да, көзгә кадәр өлгерергә җитешәчәк берничә төрле яшелчә бар. 

1. Тиз өлгерүче яшеллек . Июль башын да да, ахырында да чәчәргә иң кулай культуралар — ул яшел тәмләткечләр. Укроп һәм петрушка: Аларны җәй дәвамында һәр 2-3 атна саен чәчеп торырга мөмкин. Салкыннарга кадәр алар өстәлегезгә яңа гына өзелгән хуш исле яфрак бирәчәк. Салат яфраклары һәм шпинат: Бу үсемлекләр эссе көннәрдә тиз чәчәк атарга мөмкин, шуңа күрә аларны июльнең икенче яртысында, көннәр бераз суыта башлагач чәчү яхшырак. Руккола һәм кинза: Җәйге салатлар өчен менә дигән өстәмә.

2. Көз уртасына кадәр җыела торган яшелчәләр. Редис: Җәй башында чәчелгән редис тиз картая һәм ачы була. Ә менә июль ахырында чәчелгән редис исә бик татлы, сусыл һәм эре булып үсә, чөнки бу вакытта көн яктылыгы кыскара (бу редис өчен иң яхшы шарт). Дайкон (япон редисы): Июль уртасы — дайкон чәчәр өчен иң идеаль вакыт. Ул сентябрь-октябрь айла рында зур уңыш бирәчәк һәм кышка сакларга да чыдам булачак. Тиз өлгерә торган кишер һәм чөгендер: Әгәр сез «нәни» кишер яки яшь чөгендер яфраклары белән сыйланырга телисез икән, июль башында аларны чәчәргә соң түгел. Уңышы кышка саклау өчен ярамаса да, агымда куллану өчен бик тәмле булачак. 

3. Кәбестә төрләре. Пекин кәбестәсе: Аны июльнең беренче яртысында чәчәләр. Ул салкынча һавада яхшы үсә һәм көзге кырауларга кадәр өлгерә. Брокколи һәм төсле кәбестә: Иртә өлгерә торган сортларын июль башында ук утыртсагыз, көзен сыйфатлы уңыш алырсыз.

Бакчачыга мөһим киңәшләр:

1. Бушаган түтәлне әзерләгез: Нәрсәдер чәчкәнче, җирне яхшылап чүп үләненнән чистартырга, йомшартырга һәм корыган туфракка комплекслы ашлама кертергә кирәк. 

2. Сугару режимы: Июльдә һава бик эссе булучан. Бу чорда чәчелгән орлыклар тишелеп чыксын өчен, түтәлләрне көн саен (кичке яки иртәнге вакытта) җылы су белән сугарырга онытмагыз. Җәй уртасы — бакча эшләре тәмамланды дигән сүз түгел. Буш урыннарны файдаланып калыгыз һәм көзен яңа, яшь уңыш белән гаиләгезне куандырыгыз.