Казанда МХО зонасында һәлак булган якташыбызга мемориаль такта ачтылар

Вакыйгаларның берсе — Советлар Союзы Герое Б.К. Кузнецов исемендәге кадет мәктәбен тәмамлаган Украинадагы махсус хәрби операция барышында батырларча һәлак булган Россихин Антон Геннадьевичка мемориаль такта ачу тантанасы иде. 
Белешмә өчен: Антон тумышы белән Казаннан. Аның әти — әнисе хәзер Лаеш районында — Хәерби авылында яшиләр. Ул Лаеш районыннан мобилизацияләнгән дә инде.

Россихин Антон Геннадьевичка мемориаль такта ачу тантанасында Лаеш районы хәрби комиссары подполковник Айрат Гайнуллин катнашты. 
Мемориаль тактаны ачу хокукы Антонның әнисенә бирелде.
Ольга Геннадьевна, улының металлдан төшерелгән йөзен күрергә курыккандай, әкрен генә мемориаль тактадан кызыл тукыманы салдырды. Ә аннары кыйммәтле образга озак карады... Авырту, газап, югалту ачысы һәм горурлык — барысы да шушы карашта иде...
Сугышчыны бер минут тынлык белән искә алдылар, ә аннары Россихин Антон истәлегенә кызыл канәферләр салдылар. 

Соңрак мәктәпнең актлар залында Ватанны саклаучылар көненә багышланган чарада «ВДВ гвардия сержанты П.К. Клетнев исемендәге яшь десантчы» ВПК әгъзалары һәрвакыттагыча мавыктыргыч, кызыклы һәм истә калырлык чыгыш күрсәттеләр.
Безнең сугышчылар бу тыныч булмаган вакытта иң кирәк җирдә. Алар кулларына корал алалар һәм хезмәт бурычы, йөрәк чакыруы, күңел кушуы буенча Ватанны саклауга басалар. 
Рәхмәт сезгә, безнең яклаучылар!
Күбрәк фотоларны түбәндә, мәкаләләр галереясендә карагыз.