МХО ветераны кул белән идарә ителә торган автомобиль йөртергә өйрәнә

Ватанны саклау турында сүз барганда яшь киртә түгел. 2023 елдан башлап Валерий азат итү сугышларында яңа Россия территорияләрен, шул исәптән Авдеевск юнәлешендә дә, саклап кала. Биремнәрнең берсендә безнең хәрби хезмәткәрләр засадага эләгә.
Каты бәрелештә сугышчыны снайпер ега, ә аннары аның белән янәшә дошман дроны снаряд ташлый. Авыр яраланган Клоков үзе генә исән кала. Аны эвакуацияләү 10 тәүлектән артык дәвам итә: сугышчан орыныш сызыгындагы вәзгыять моңарчы моны эшләргә мөмкинлек бирмәгән. 
Шунда ук Ростовка алып китәләр. Аннан хәрби поезд белән Саратовка илтәләр. Ә соңыннан тернәкләндерү һәм протезлау узу өчен Петербург булды — дип шәрехләде аяк табаннарын ампутацияләгәннән соң үзенең дәвалану этапларын якташыбыз. — Шунда ук яңадан йөрергә өйрәндем.
Хәзерге вакытта Валерий өчен иң кадерле кеше — аның 78 яшьлек әнисе. Ул әле Советлар Союзында ук Райпромторгта бухгалтер булып эшләгән.
Мин үзем дә элек сәүдә өлкәсендә бизнес белән шөгыльләнә идем, — дип елмаеп сөйләде МХО ветераны. Ә хәзер кул белән идарә ителә торган машинада йөрергә өйрәнәм. Кулларымны гына эшкә җигәргә күнегәм. Минем белән бик квалификацияле остаз — Илнур Вәлиуллин шөгыльләнә. Ул профессионал.

Лаеш районы ДОСААФ җитәкчесе Илнур Вәлиуллин хәбәр иткәнчә, Валерий кул белән идарә итүне яңадан өйрәтү буенча тизләтелгән курслар уза, чөнки элек машина йөрткән һәм 30 елдан артык зур машина йөртү стажы бар. 
Машина көнкүрештә, шулай ук киләчәктә эштә һәм, бәлки, бизнеста бик ярдәм итәчәк. Хәзерге вакытта автомобиль — ул ихтыяҗ, — дип билгеләде МХО катнашучысы. — Минем укуым җирле ДОСААФ инициативасы белән мөмкин булды. 
«Ватанны саклаучылар» дәүләт фонды парлы ампутацияле яисә кресло-коляскада йөрүче МХО ветераннарын кул белән идарә ителә торган автомобильләр белән тәэмин итә. 
Инде ике якташыбыз республикада беренчеләрдән булып автомобильләр алды. Һәм менә хәзер Лаеш районы ДОСААФ автомәктәбе ярдәмендә өченче ветеран кул белән идарә ителә торган автомобиль белән идарә итү үзенчәлекләрен өйрәнә, — дип шәрехләде район фонды җитәкчесе Владимир Яковлев.

Мәйданчык буенча мактаулы түгәрәк ясап, Валерий Клоков уку машинасын туктатты. Аннары ул инструктор белән махсус автомобильдә машина йөртүне яңадан өйрәнүне дәвам итү өчен шәһәр юлына чыкты һәм: «Җиңү безнең кулда булачак!» диде.