Судка килергә «оялды»
Лаеш районының юл хәрәкәте иминлеге комиссиясе исерек хәлдә автомобиль йөртүче гражданин В. Россохин эше каралган суд утырышы турында мәгълүмат җиткерә.
Матюшино авылында Садовая урамындагы 2 нче йортның 1 нче корпусы янында 2024 елның 11 сентябрендә ГАИ хезмәткәрләре В. Россохин идарә иткән автомобильне туктатканнар.
Hyundai автомобиле руле артында утырган машина йөртүченең исерек хәлдә булуы ачык иде. Патрульлеләр административ беркетмә төзеделәр һәм эшне судка җибәрделәр.
Административ хокук бозу турындагы эш буенча эш кузгатылган Россохин суд утырышына килмәде. Ул арада аңа элегрәк суд датасы турында хәбәр иткәннәр. Эш ул булмаганда каралды.
Материалларны өйрәнеп, мировой судья В. Россохинның гаепле булуы турында нәтиҗәгә килә һәм үз карарын чыгара: гр. Россохинга 1 ел 6 айга автотранспорт чаралары белән идарә итү хокукыннан мәхрүм итү рәвешендәге җәза. Моннан тыш, гаепләнүче 30000 сум күләмендә административ штраф түләргә тиеш.
— Руль артында исерек кеше — ул потенциаль үтерүче, — диде Лаеш районы юл хәрәкәте иминлеге комиссиясе рәисе Азат Нурмөхәммәтов. — Машина йөртүчедә башка юл хәрәкәтендә катнашучыларның тормышы һәм сәламәтлеге өчен зур җаваплылык ята. Моны автотранспорт руле артына утыргач аңларга кирәк.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев