Балны ничек дөрес сакларга?

Аны хәтта фиргавеннәр төрбәләреннән дә тапканнар һәм ул ашарга яраклы булган!
Балны нәрсә тиз боза:
Кояш нурлары: Бал тәрәзә төбендә аз гына торса да, андагы кыйммәтле ферментлар таркала.Югары температура (+20 °C тан югары): Бал «әчи», ә файдалы матдәләре үзлекләрен югала.
Дымлылык: Бал, болыт (губка) кебек, һавадагы суны үзенә сеңдерә һәм ачый башлый.
Бал өчен идеаль шартлар:
Салкынча урын: Оптималь температура — 0 дән +10 °C ка кадәр. 
Келәт яки суыткычның аскы киштәсе туры килә.
Корылык: Дымлылык 70% тан артмаска тиеш.
Чит исләр булмавы: Бал хуш исләрне тиз сеңдерә. Аны балык, суган һәм сарымсактан еракта тотыгыз.
Караңгылык: Карасу пыяладан ясалган, эмальләнгән яки тыгыз азык-төлек пластик савытларын кулланыгыз.
Герметиклык: Капкачны тыгызлап ябу артык дым сеңдерүдән саклый.
Еш онытыла торган өч мөһим кагыйдә:Металл белән кагылыш булмасын! Тимер кашыклар һәм капланмаган металл капкачлар бал саклау өчен ярамый. Бал металл белән реакциягә керә. Агач, керамика, тутыкмый торган корыч яки азык-төлек пластигын кулланыгыз.
Балны туңдырмагыз! Минуслы температура аның структурасын боза.
Шикәрләнү — бу нормаль хәл! Кристаллашкан бал үзенең файдалы үзлекләрен югалтмый. 

Кыш көне балыгыз кисәк сыек калса, димәк, аны я артык җылытканнар, яисә бу — ясалма бал.
Йомгак:Балны саклау өчен иң яхшы урын — караңгы һәм салкынча шкаф.