Татарстан Республикасы буенча СФР бүлеге инвалидларга ОСАГО чыгымнарын компенсацияли

Превью авторы Людмила Никикфорова. 
ОСАГО компенсациясенә кемнең хокукы бар?
ОСАГО полисы бәясенең 50% күләмендә компенсация инвалид гражданнарга, инвалид балаларны да кертеп, әгәр автомобиль аларга индивидуаль реабилитация яки абилитация программасы буенча кирәк булса, каралган.
Шунысы мөһим: түләү елга бер тапкыр гамәлдәге бер ОСАГО полисына бирелә, анда өчтән артык булмаган машина йөртүче күрсәтелә, инвалид гражданның үзен яки аның законлы вәкилен дә кертеп.
Компенсацияне ничек алырга?
Күпчелек очракта компенсация федераль мәгълүмат системаларыннан СФРның Татарстан Республикасы буенча бүлегенә керә торган мәгълүматлар нигезендә автомат рәвештә билгеләнә, әгәр ОСАГО полисын рәсмиләштергәндә иминиятләштерүченең яисә автомобиль хуҗасының СНИЛСы күрсәтелгән булса. Түләүне билгеләү турында хәбәрнамә гражданга 3 эш көне эчендә җибәрелә.
Әгәр хәбәрнамә кермәгән булса, ОСАГО полисы бәясен компенсацияләүгә гаризаны полисның гамәлдә булу вакыты дәвамында бирергә мөмкин:
1.Дәүләт хезмәтләре Порталы аша.
2.Яшәү урыны буенча Татарстан Республикасы буенча СФР бүлегенең клиент хезмәтендә.
3.Күпфункцияле үзәктә (КФҮ).
Акчалар СФР бүлеге чыгымнарны каплау турында карар кабул иткән вакыттан алып 5 эш көне эчендә түләнә.