89 яшьлек кияү белән 69 яшьлек кәләш никахларын теркәделәр
Бу пар 25 ел бергә яшәгән һәм хәзер үз хисләрен никах белән ныгытырга карар кылган.
Фото авторы — Елена Запольских.
Бүген Лаеш шәһәренең Никахлашу сараенда гаҗәеп теркәлү узды: 89 яшьлек кияү Александр Ануфриев һәм 69 яшьлек кәләш Хәния Сибгатуллина үз мөнәсәбәтләрен рәсмиләштерделәр.
Александр тумышы белән Казаннан, Хәния Лаеш районының Имәнкискә авылыннан.
Хәния Гатиновна бер-береңә "әйе"дип әйтергә беркайчан да соң түгел, дип саный.
— Хисләребез еллар узган саен ныгый гына барды, һәм бүген, ниһаять, без бу мөһим адымны ясадык, — дип аңлатты Хәния Сибгатуллина.
Бу гадәти булмаган вакыйганы Лаеш районы Башкарма комитетының ЗАГС бүлеге начальнигы Айгөл Локманова шәрехләде:
— 2024 елда игълан ителгән Гаилә елында мондый вакыйгалар мәхәббәтнең яшьне белмәвен күрсәтә. Бу тормышыбызда җан кардәшлегенең һәм гаилә әһәмияте турында барыбызга да искәртеп тора.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев