Лаешта Могҗизалар кырында Якубович мәкерле сораулар бирде

Шәфкать ордены рәисе Зөһрә Лезина шәрехли 
Уенны ирле-хатынлы Сергей һәм Антонина Сердюк әзерләде һәм үткәрде. Барабан белән стойканы балалар йортыннан алып кайттылар, моның өчен балалар йорты директоры Рузалия Вәлиуллинага зур рәхмәт.
Тема Май чабу белән бәйле иде: «Славяннарның йолалары, символлары һәм традицияләре. Май чабу». 

Алып баручылар тамашачыларны уенчылар белән таныштырды, һәм уен башланды.
Сораулар кызыклы иде: мәсәлән, борынгы заманда коймак камырына сода урынына нәрсә өстәгәннәр? Коймак кабарынкы һәм һавалы булсын өчен өстәгәннәр икән... кар. Антонина шундый коймакларны алып килде, күрсәтте, һәм без кар коймакларын татып карадык.
Һәрвакыттагыча, уенны «Леонид Якубович» алып барды. «Могҗизалар кыры» на Питрәч һәм Казаннан кунаклар килде. Беренче өчлектә сюрприз — чегән биюе әзерләгән «чегәннәр» уйнады.

Икенче өчлектә «үзбәкләр» Илдар Ситдыйков һәм аның әнисе Бибинур Сафетдин кызы уйнады. Алар озак вакыт Үзбәкстанда яшәгәннәр, һәм аларга еш кына туганнары килә. Бу пар уенчылар студиягә тәм-томнар, махсус шикәр һәм безнең өчен билгесез җиләк-җимешләр-джид алып килде. Моннан тыш, алар милли киемдә җиңел һәм матур үзбәк биюен биеделәр.

Өченче өчлектә Кытай «вәкилләре» бар иде. Алар шулай ук Якубовичка бүләкләр: җилпәзә(веер) һәм музыкаль пауза алып килделәр. Кытай биюен «Вдохновение» хореография ансамбле башкарды.

Абсолют җиңүче Илдар Ситдыйков булды. 
Тагын бер күңелле сюрприз булды: «Сказка рядом» фото — конкурсында катнашучыларны-«Надежда» клубын котладылар. Аларга дипломнар һәм зур булмаган бүләкләр тапшырылды.
Клубның әти-әниләренә һәрвакыт ярдәм иткән өчен зур рәхмәт. Барысы да бәйрәмнән бүләкләр, елмаюлар белән киттеләр һәм ешрак җыелырга сорадылар.

P. S. «Надежда» клубы күңел ачу чараларында гына катнашмый. Клубта катнашучылар МХО көрәшчеләрен Ватанны саклаучылар көне белән котладылар: гуманитар ярдәм җыйдылар, ә балалар хатлар яздылар.