Шимбә көнне, 14 февральдә кая барырга: Россия чаңгы юллары, китап акциясе һәм аэропортта күргәзмә

Автор превьюсы.
1. «Россия чаңгы юллары — 2026» : бәйрәмне актив каршы алабыз!
Күпләр чәчәкләр һәм йөрәкләр турында уйлаганда, менә дигән альтернатива бар — чаңгы, салкын һәм тизлек!
Бу шимбәдә Лаешта барлык район халкы өчен иң массакүләм кышкы чара узачак.
* Кайчан була: 14 февральдә.
• Программасы: теркәлү 10:00дән 10:40ка кадәр, йөгерүләр 11: 00дә башлана.
• Дистанцияләре: ир-атлар өчен — 1500 м, хатын-кызлар өчен –  850 м.
• Үткәрү урыны: Лаеш шәһәренең чаңгы базасы (экстрим-парк).
Үзегез белән чаңгы һәм яхшы кәеф алырга онытмагыз! Стартта очрашырбыз.
2. Китапларга яңа тормыш бүләк итегез
14 февраль — барлык гашыйклар көне генә түгел, ә Халыкара китаплар бүләк итү көне дә.
Әлеге бәйрәм уңаеннан Лаешта «Белогорье» яшьләр үзәге «Китапларга яңа тормыш бүләк ит» акциясен башлап җибәрә. Акциянең максаты — үзәктә укырга уңайлы почмаклар булдыру өчен сәнгать һәм мәгълүмати әдәбиятны (классика, детективлар, фантастика) җыю.
• Нәрсә китерергә: яхшы хәлдәге китаплар.
• Кая: Лаеш шәһ., Пролетар ур., 46 йорт («Белогорье»яшьләр үзәге).
• Кайчан: 12 февральдән, көн саен 08:00 дән 20:00 гә кадәр.
Китапларыгызга яңа йорт, ә башка укучыларга яңа хисләр бүләк итегез!
3. Аэропортта «Кытыклы-мытыклы» әкият күргәзмәсе
Казанга сәфәрне планлаштыручылар яки кунакларны каршы алучылар өчен халыкара аэропортта уникаль күргәзмә ачылды. «Кытыклы-мытыклы» проекты туристларны төрле рәссамнар тудырган 12 Шүрәле образы белән таныштыра — «Б.Э.» монограммасы буенча гына танылган беренче иллюстратордан алып Андрей Тарковскийның «Солярис» фильмы өстендә эшләгән Михаил Ромадинга кадәр.
Күргәзмә 22 февральгә кадәр эшләячәк, шуннан соң республиканың киләсе локациясенә юл тотачак. Аэропортта тоткарланып, татар фольклоры дөньясына чуму өчен менә дигән сәбәп.

Күргәзмәне оештыручылар — ТР Рәисе каршындагы Телләр комиссиясе, ТР Милли китапханәсе һәм «Смена» заманча мәдәният үзәге ярдәмендәге Татарстанда Беренчеләр хәрәкәтенең төбәк бүлеге.

Күңелегезгә хуш килгән вакыйганы сайлагыз һәм шимбәне кызыклы итеп үткәрегез!