Алтын медальне Мәскәүдә җиденче буын умартачы Гафур Зариповка тапшырдылар

Авыл хуҗалыгы һәм эшкәртү сәнәгате көнен бәйрәм итү алдыннан илебез башкаласында өр-яңа «Тимирязев — Үзәк» мәйданчыгында «Алтын көз-2024» Россия агросәнәгать күргәзмәсе старт алды.

Күргәзмә эшендә якташыбыз — крестьян-фермер хуҗалыгы башлыгы, җиденче буын атаклы умартачы Гафур Зарипов катнашты. Кече Елга авылындагы Зариповлар хуҗалыгы умартачылыктан тыш шулай ук үсемлекчелек (850 гектар җирдә бөртек үстерәләр) һәм терлекчелек (200 сыер һәм 40 ат асрыйлар) белән дә шөгыльләнә.
Мәскәүдә абруйлы агрокүргәзмәнең беренче эш көнендә үк Лаеш районы аграрийлары лаеклы бүләкләр алдылар.

Гафур Зариповның гаилә династиясе Россиядә иң яхшысы булды — ул танылу алды, ә Гафур Борһан улына алтын медаль һәм «Алтын көз-2024» дипломы тапшырылды.

Шулай ук «Матюшино» ҖЧҖ компаниясе җитәкчесе Фиркать Гайнетдинов нәсел һәм товар терлекчелеген үстерүдә югары күрсәткечләргә ирешкән өчен алтын медаль алды. Ул Орел авылында, район һәм республикадан читтә дә мехлы җәнлекләр үрчетү белән билгеле. Җәмгыять чәшке һәм кеш үстерү белән уңышлы шөгыльләнә.
Лаеш районы башлыгы Илдус Зарипов район Советының зур залында район фермер хуҗалыгының ил күләмендә җиңүен һәм уңышын билгеләп үтте.