Елена Нигъмәтҗанова яхшы фермерлар арасында
Лаеш районыннан “Фермерлар мәктәбе” проектын тәмамлаган Елена Нигъмәтҗанова “Татарстан Республикасында иң яхшы крестьян (фермер ) хуҗалыгы башлыгы” бәйгесендә җиңүчеләр арасына керде.
Бүләкләү тантанасы Кукмарада авыл халкының эшлекле активлыгын күтәрү мәсьәләләре буенча үткән зона семинар-киңәшмәсе кысаларында булды.
-Шундый югары дәрәҗәдә минем фермерлык хезмәтемне бәяләүләре көтелмәгән, әмма шатлыклы вакыйга булды, - дип үз тәэсирләре белән уртаклашты җиңүче. Ул Россельхозбанкның “Школа фермера” проектында катнашу үз эшемне үстерүгә этәргеч бирде диде. Өйрәнү нәтиҗәсендә кошчылык нигезләрен, бизнес алып баруның иң яхшы практикаларын үзләштерә алган, ә инде алынган тәҗрибәне үз хуҗалыгында уңышлы кулланган.
Елена Нигъмәтҗанова 2021 елның маенда фермерлык эшен үстерүгә грант, ә сентябрьдә Татарстан Республикасы авыл хуҗалыгы һәм азык-төлек министрлыгыннан грант алган.
Следите за самым важным и интересным в Telegram-каналеТатмедиа
Нет комментариев