Илдус Зарипов: “Эш урыннарын киметү планлаштырылмый”

Чит ил әйберләрен алыштыру проблемасы районның күп предприятиеләренә кагылмый.

Лаеш район башлыгы район икътисадын тотрыклы үстерүне тәэмин итү буенча төп чаралар планын тормышка ашыру буенча оператив штабка җитәкчелек итә. Шушы көннәрдә ул башкарма комитеты җитәкчесенең икътисади һәм инвестиция үсеше буенча урныбасары Альберт Мясаутов белән Лаеш районының кайбер эре сәнәгать предприятиеләрендә булды.

Илдус Зарипов Лаеш азык-төлек комбинатының төзелә торган корпусын карады. Район халкы аның продуктларын теләп ала. Яңа гына мичтән чыккан икмәк-күмәч әйберләргә сорау зур. Предприятиедә ассортимент даими арта.

Азык-төлек комбинаты төрле күргәзмәләрдә һәм тәкъдир итүләрдә даими катнаша. Комбинат кибетендә кайнар ипи һәм төрле пироглар, тортлар һәм башка тәм-томнар алу өчен чират та була. Аның идарәчесе Ришат Вәлиев әйтеп үткәнчә, предприятие бурычлары арасында чит ил әйберләрен алыштыру юк.

Столбищеда авыл җирлеге башлыгы вазифаларын башкаручы Владимир Михеев гид ролендә булды.

“Буревестник” транспорт компаниясе директоры Вячеслав Улитин оешманың пассажирлар ташу белән шөгыльләнүе турында сөйләде. Анда 157 кеше эшли, шул исәптән 105 машина йөртүче. 108 транспорт чарасы бар: кеше күп сыя торган 77 автобус, 25 микроавтобус һәм алты җиңел машина. Чираттагы тукталыш “Таткабель” заводында булды, ул көчле, контроль һәм башка төрдәге кабельләр чыгара.

Район башлыгы “Фургон Град” ЧҖҖдә дә булды. Аның җитәкчесе Тимур Цикало сөйләгәнчә, җитештерүдә нигездә үзебезнең материаллар кулланыла, ә менә продукция чит илгә китә.

“Ферекс” сәүдә йорты лампа продукциясенең таралу географиясе һәм предприятиенең зур территориясендәге заманча җитештерү цехлары белән шак катырды. Автомат ишекләр, “Дорхан” роллет системалары, җыелма ангарлар һәм башкалар чыгаручы “Дорхан” ЧҖҖ дә дә булдылар.

Илдус Зарипов һәм Альберт Мясаутов предприятиеләрдәге чит ил әйберләрен алыштыруга бәйле җитештерүне бәяләделәр, алдагы эшләр планын тикшерделәр һәм кече һәм урта бизнеска ярдәм чаралары белән таныштырдылар.