Кытай бизнесменнары Лаеш районы предприятиеләре белән танышты
Кытай Халык Республикасы делегациясе эш визиты белән Татарстан Республикасында булды.
Делегацияне «Cus Group " тышкы сәүдә Платформасы идарәсе рәисе Цуэй Чжаохуа җитәкләде. Составына КХР агросәнәгать предприятиеләре вәкилләре керде.
Кунаклар шул исәптән Лаеш районында да булдылар. Алар «Кәүсәр» авыл хуҗалыгы эшкәртү кооперативында һәм «Лаеш азык-төлек комбинатында»булдылар.
Кытай вәкилләре белән хезмәттәшлекнең төп юнәлешләре турында фикер алыштылар: авыл хуҗалыгы продукциясен һәм азык-төлек товарларын экспортлау һәм импортлау, КХРдан җиһазлар китерү, агропредприятиеләр арасында кооперацияне үстерү, логистика һәм халыкара складлар. Делегатлар шулай ук «Агроволга — 2025» күргәзмәсе эше белән таныштылар, анда Кытайдан 12 компания тәкъдим ителгән иде.
Уртак проектлар эшлекле элемтәләрне ныгыта һәм «Халыкара кооперация һәм экспорт»илкүләм проектының максатларын тормышка ашыруга ярдәм итә.
Фото: ТР Авыл хуҗалыгы министрлыгы
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев