Лаеш районында елдагыча «Бөтенроссия кыр көне — 2023» күргәзмәсе узачак
«Казан Экспо» традицион авыл хуҗалыгы күргәзмәсендә җир эшкәртү буенча Россия чемпионаты, сөтле хайваннар үрчетү конкурсы һәм бай эшлекле программа узачак.
«Бөтенроссия кыр көне — 2023» күргәзмәсен Россия Федерациясе авыл хуҗалыгы министрлыгы оештыра. Биредә авыл хуҗалыгы культураларының сортлары һәм гибридлары чәчүлекләре, орлык, ашламалар һәм үсемлекләрне саклау чаралары җитештерүчеләрнең киң ассортименты, заманча авыл хуҗалыгы техникасы һәм җиһазлары тәкъдим ителәчәк. Агросәнәгать комплексын үстерүнең барлык төп юнәлешләренә кагылачак бай эшлекле программа планлаштырылган.
Күргәзмә уздыру вакытында Россиянең юбилей — җир эшкәртү буенча унынчы ачык чемпионаты узачак. Россиянең 50дән артык төбәгеннән һәм чит илләрдән иң яхшы механизаторлар Бөтенроссия сөрү ярышларында җиңүчеләрне билгеләү өчен җыелачак. Күргәзмә кысаларында сөт җитештерүчәнлеге юнәлешендәге хайваннарны үрчетү буенча Бөтенроссия конкурсы узачак, анда 63 хуҗалыктан 80гә якын сыер катнашачак.
«Бөтенроссия кыр көне — 2023» дүрт көн дәвамында — 2023 елның 6 июленнән −9 июленә кадәр узачак.
Следите за самым важным и интересным в Telegram-каналеТатмедиа
Нет комментариев