18 яшьтә корал сатмыйлар

Росгвардиянең ТР буенча идарәсе корал әйләнешенә контрольлек итү бүлеге начальнигы Рамил Камалиев хәбәр иткәнчә, Татарстанда коралга лицензия алуның яңа кагыйдәләре гамәлгә керде.

Хәзер коралга лицензияне республикада яшәгән һәм 21 яше тулганнар гына ала ала. Яңа кагыйдәләр гамәлгә кергәнче лицензия 18 яшьтән бирелә иде.

Өлешчә, закон үзгәрешләре чикле зарар китерүче утлы коралга, шулай ук ау мылтыклары алуга рөхсәт алуга кагыла иде.