Эчүчелеккә каршы

Исерек машина йөртүче ханым балаларын мәктәпкә машина белән алып килергә булган.

Лаеш эчке эшләр бүлегенең ЮХИДИ хезмәткәрләре рейд барышында Столбище-Усады автоюлының беренче километрында автомобиль белән идарә итүче 1981 елда туган исерек хатын-кызны туктаткан.

Автомобиль салонында аның балалары була, аларны автоледи мәктәпкә илтергә карар итә. Исерек килеш руль артына утырган ана үз балаларын нинди куркыныч астына куюы турында уйламаган.

- Хөрмәтле машина йөртүчеләр! – дип мөрәҗәгать итә руль артына утыручыларга Лаеш эчке эшләр бүлегенең ЮХИДИ бүлеге начальнигы Михаил Тюрин. – Машина - ул зур куркыныч тудыручы транспорт чарасы. Юлда һәрвакыт игътибарлы булырга кирәк, чөнки төрле хәлләр була, аларга шунда ук җавап бирергә кирәк. Ә исерек шоферның реакциясе акрыная.

Шуңа күрә алкогольле эчемлек эчкәннән соң руль артына утырганчы йөз тапкыр уйлагыз. Юл хәрәкәтендә катнашучыларның тормышы һәм сәламәтлеге сезгә бәйле.

- Автомобиль белән исерек хәлдә идарә иткән өчен 1,5 елдан 2 елга кадәр транспорт чарасына идарә итү хокукыннан мәхрүм итү, шулай ук 30 мең сум күләмендә штраф түләттерү каралган.