Гадәттән тыш хәлләр комиссиясендә янгын куркынычы артуы турында сөйләделәр

Үлән, урман, йортлар яну куркынычы югары дәрәҗәдә саклана. Яңгырлар булмау сәбәпле Куйбышев сусаклагычының cуы планлаштырылганнан 40 смга артык кимегән.

Татарстанда янгын чыгу куркынычы арту сәбәпле, янә урманнарда булуга чикләүләр кертелә. Алар 21 көн дәвамында Лаеш, Әгерҗе, Азнакай, Аксубай, Әлки, Баулы, Арча, Биләр, Болгар, Бөгелмә, Буа, Алабуга, Зәй, Яшел Үзән, Ислейтар, Кайбыч, Кәләй, Кама, Кызыл Йолдыз, Лениногорск, Лубянск, Мамадыш, Минзәлә, Түбән Кама, Нурлат, Идел буе, Шәһәр яны, Саба, Тәтеш һәм Чирмешән урманчылыклары районнарында гамәлдә булачак.

Татарстанлыларга урманнарга барырга, аларның территориясенә автомобильләр белән керергә һәм урманнарда билгеле бер эшләр башкарырга ярамый.

Исегездә тотыгыз!  Урман янгыннарының сәбәбе еш кына кешеләрнең ваемсызлыгы - сүнмәгән учак, ташланган сүнмәгән тәмәке, коры үлән яндыру була...