Казанда банкларның сәүдә үзәкләрендә һәм бүлекчәләрендә банкоматлар янында полиция макетларын урнаштырганнар.
Полиция хезмәткәрен сурәтләгән озын буйлы фигура кулындагы язу уяу булырга һәм мошенникларның үгетләүләренә бирешмәскә чакыра. Татарстан халкыннан дистанцион мошенниклык аша көненә уртача 15 млн сум урлана.
Акциянең максаты — мошенникларның психологик басымы астында булган кешене туктату, аның игътибарын юнәлтү һәм шул рәвешле алдауга бирешмәскә ярдәм итү.
Банкоматлар янындагы полиция хезмәткәрләре мошенникларның киң таралган алымнары турында кисәтә:
🔹 Полиция хезмәткәрләре, ФСБ, прокуратура, банк хезмәткәрләре беркайчан да телефон аша счетларның торышы турында фикер алышмый
🔹 Исегездә тотыгыз, «куркынычсыз счетлар» юк
🔹 Банк картасы мәгълүматлары, СМС коды, парольне телефон аша хәбәр итмәгез
🔹 Шик булса — ТР буенча Эчке эшләр министрлыгының кайнар линиясенә шалтыратыгыз +7 (843) 291-20-02
Мондый макетлар Казанның 23 урамында, шулай ук республиканың башка торак пунктларында булачак. Бу чара Татарстан халкын финанс мошенниклары гамәлләреннән саклауга юнәлдерелгән.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев