Көнүзәк мәсьәлә: Сак булыгыз, талпаннар уянды!

Урамга чыкканда ничек сакланырга?
Дөрес киенегез: Тәнегез мөмкин кадәр ябык булсын. Озын җиңле кием, чалбар һәм баш киеме киегез — бу талпанның тирегә үтеп керү мөмкинлеген азайта.
Репеллентлар кулланыгыз: Махсус чараларны (спрейларны) киемгә һәм тәннең ачык өлешләренә инструкция буенча сөртегез.
Тәнне тикшереп торыгыз: Прогулкадан соң үзегезне һәм якыннарыгызны җентекләп карап чыгыгыз. Талпаннар аеруча чәч арасына, муенга, колак артына һәм култык астына сыенырга ярата.
Әгәр талпан кадалган булса: тыныч калыгыз һәм дөрес эш итегез
Медицина ярдәменә мөрәҗәгать итегез: Талпанны дөрес итеп алдыру өчен тиз арада травмпунктка яки хирургка барыгыз. Бу өзлегүләрдән саклар.
Үзегез алу: Табибка бару мөмкинлеге булмаса, талпанны үзегез алыгыз. Пинцет яки ныклы җеп кулланып, сак кына бөтереп чыгарыгыз. Талпанны кысарга ярамый!
Дезинфекция: Талпанны алгач, кадалган урынны һичшиксез антисептик (спирт, йод) белән эшкәртегез.
Талпанны саклагыз: Алынган талпанны пыяла савытка салып, 72 сәгать эчендә лабораториягә илтегез. Бу аның инфекцияле булу-булмавын ачыкларга ярдәм итәр.
Инфекционист консультациясе: Әгәр талпанда инфекция табылса, кичекмәстән табиб-инфекционистка мөрәҗәгать итегез.