Куркыныч экономия: Лаеш районында ир-ат газ казанын үзе ремонтлаганда һәлак булган

Кичә, 22.03.2025 елда, иртән Татарстанның Лаеш районы Кече Кабан авылында 66 яшьлек ир-ат фаҗигале рәвештә һәлак булган.

«Татар-информ» хәбәрчесенә Татарстан торак инспекциясе матбугат хезмәтендә түбәндәгеләрне хәбәр иттеләр. 
Беренчел тикшерү күрсәткәнчә, Шоссейная урамында яшәүче ир-ат мөстәкыйль рәвештә газ казанын ремонтлау эшләрен башкарган. Шул ук вакытта ул газ казаныннан төтен чыгару торбасын урнаштырмаган.
Хәзерге вакытта йортларга газ бирү туктатылган.

«Газ плитәләрен, казаннарны һәм су җылыткычларны үз белдегең белән ремонтлау һәм урнаштыру гамәлдәге нормаларны һәм кагыйдәләрне бозу булып тора. Мондый санкцияләнмәгән гамәлләр юридик нәтиҗәләргә генә китермәскә мөмкин. Алар гаилә әгъзаларының һәм күршеләрнең тормышын һәм иминлеген, шулай ук биналарның бөтенлеген куркыныч астына куя» ,-дип ассызыкладылар Татарстан торак инспекциясе матбугат хезмәтендә.