Лаеш балалары юл хәрәкәте кагыйдәләрен беләләр

Балалар өчен «Юл хәрәкәте кагыйдәләрен тапкырлау таблицасын белгән кебек бел!» конкурс-уен программаны Лаеш үзәк балалар китапханәсе хезмәткәрләре үткәрде.

Чараның беренче өлешендә китапханәчеләр балалар белән танып белү әңгәмәсе үткәрделәр, юл хәрәкәте билгеләре белән җентекләп таныштырдылар, аларның һәрберсенең нәрсә аңлатканын сөйләделәр. Балалар юл кырыенда үз-үзләрен тоту кагыйдәләре турындагы сорауларга бердәм җавап бирделәр, разминкада актив катнаштылар. Алар светофорның кызыл, сары, яшел төсләрен кабатладылар. Алар шулай ук викторина сорауларына җавап бирделәр һәм табышмакларны чиштеләр.

Чараның икенче өлешендә «Җәяүлеләр юлы», «Җәмәгать транспорты тукталышы», «Машина йөртүчеләр эстафетасы» һәм башка кызыклы эстафеталар оештырылды. Ике команда да юл билгеләрен, светофор сигналларын белүләрен, җәяүлеләр өчен кагыйдәләрне үтәүләрен һәм юлларда бик игътибарлы булуларын күрсәтте.

Чараның ахырында балалар бәхетсезлек очракларын булдырмас өчен юл хәрәкәте кагыйдәләрен белү генә түгел, ә аларны үтәү дә кирәк дигән нәтиҗәгә килделәр. Машина йөртүчеләр һәм җәяүлеләр өчен дисциплина, саклык һәм юл хәрәкәте кагыйдәләрен үтәү — урамда куркынычсыз хәрәкәтнең нигезе.

Фото: Т. В. Вафина