Лаеш районында 15 апрельдән янгын куркынычы сезоны башлана

Тиешле карарга элегрәк ТР Премьер-министры Алексей Песошин кул куйды.

Бу вакытта урманнарга бару тыелмый, әмма гражданнар янгын куркынычсызлыгы кагыйдәләрен үтәргә һәм ачык утны саклык белән кулланырга тиеш. Мангаллар һәм кыздыру урыннары биналардан һәм корылмалардан 5 метрдан да ким булмаган ераклыкта урнаштырыла. Коры үлән һәм башка янучан материаллар булмау радиусы тирә якта 10 метр тәшкил итү мөһим. 

Басуларда үләннәр яндырырга, теләсә кайсы урманнарда учаклар кабызырга һәм әзерләнгән агач калдыкларын яндырырга ярамый. Ачык утның локациясе иң якын төзелештән 50 метрдан да ким булмаган һәм урман кырыеннан ике тапкыр зуррак араны күздә тота. Чүп-чар диаметры 1 метрдан артмаган һәм тирәнлеге 0,3 метрдан ким булмаган чокырда яндырыла. Утны вакытында туктатыр өчен, янгын сүндерү җайланмасы яки сулы чиләк һәрвакыт булырга тиеш. 

Бу кагыйдәләр Татарстанда 22 апрельдән башланачак һәм 2024 елның 12 маена кадәр дәвам итәчәк янгынга каршы махсус режим кертелгәнче үтәлә. Бу чорда учак ягу; каты көнкүреш калдыкларын һәм чүп-чарны яндыру; торак пунктларда, бакча участокларында, ял базаларында, балалар лагерьларында азык әзерләү өчен ачык ут куллану һәм урман янгыннарына куркыныч янаган территорияләрдә урнашкан башка урыннарда катгый тыела.

Шулай ук бу территорияләрдә 1-3 куркыныч класслы пиротехник әйберләр куллану һәм ачык утлы яндыргычлар ярдәмендә һавага күтәрелгән янучан материаллардан идарә ителмәүче әйберләр кабызу тыела.
Торак пунктларда янгын чыгуны булдырмас өчен, үз җирләрендә яшәүчеләргә һәм дачникларга Корылмалар һәм торак йортлар тирәсендәге коры үләннәрне вакытында җыеп алу мөһим.

Урманнарда янгын куркынычсызлыгы кагыйдәләрен үтәмәү административ җаваплылыкка китерә. РФ Административ хокук бозулар кодексының 8.32 маддәсенә ярашлы рәвештә гражданнар өчен 15 меңнән 30 мең сумга кадәр, вазифаи затлар өчен 3050 мең, юридик затлар өчен 100400 мең сум штрафлар каралган. Махсус янгынга каршы режим шартларында штрафлар суммасы икеләтә арта.

«Лаеш урманчылыгы» ДКУ җитәкчесе—урманчысы урынбасары Фәнил Фазлыев мәгълүматлары буенча, узган елның янгын куркынычы булган сезоны дәвамында Татарстан Республикасының Лаеш һәм Питрәч районнарының 17 авыл җирлеге территориясендәге ведомство карамагындагы урманнарда 30 үлән һәм чүп-чар яну теркәлгән.

Административ хокук бозулар турында 12 беркетмә төзелгән, барлык хокук бозучылар да җаваплылыкка тартылган. Китерелгән зыян 36 мең сум тәшкил итә. Янгын куркынычсызлыгы кагыйдәләрен бозган өчен 1ст.8.32 өлеше буенча 7 протокол төзелә, шул исәптән махсус янгынга каршы режим гамәлдә булганда (урманга керү чикләнгән) 2 протокол. 

— 2024 елга урман фонды территориясендә 997 патрульлек үткәрү планлаштырыла. Урманнарны әйләнеп чыгу бәйрәм һәм ял көннәрендә көчәйтеләчәк, — дип ассызыклады Фәнил Фәсилович. — Гражданнар иң күп йөри торган урман участокларына (сулык ярлары буйлап) аерым игътибар биреләчәк. Шуңа күрә ачык утны күзәтүсез калдырмагыз, янгын куркынычсызлыгы кагыйдәләрен үтәгез!