Лаеш районында янгын хәбәр итү приборларының төзеклеге тикшерелә

Аларны «Алтын көз» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге хезмәткәрләре Россия гадәттән тыш хәлләр министрлыгының Татарстан Республикасы буенча Баш идарәсенең күзәтчелек эшчәнлеге бүлеге хезмәткәре белән берлектә үткәрә. 

Тикшерүләр барышында автомат янгын хәбәрчеләре тикшерелә. 

Көнкүреш приборларын, газ җиһазларын, электр җиһазларын куркынычсыз эксплуатацияләү буенча инструктаж үткәрелә, янгын куркынычсызлыгы буенча белешмәләр тапшырыла.

Фото: ХСХККҮ «Алтын көз»