Лаеш районындагы янгын өлкән кешенең гомерен өзде

Россия гадәттән тыш хәлләр министрлыгының ТР буенча Баш идарәсе матбугат хезмәтендә хәбәр итүләренчә, Караеш авылындагы шәхси йортта янгын турында кичә 17.27 сәгатьтә шалтырату килгән. 

Янгын сүндерүчеләр берничә минуттан соң килә, әмма бер катлы бүрәнәле шәхси торак йорт бөтен мәйдан буйлап яна торган була.

Оператив чаралар күреп, коткаручылар утны җиңәләр. 

Утны сүндергәндә янгын сүндерүчеләр 60 яшьлек йорт хуҗасының гәүдәсен табалар. 

Соңрак ачыкланганча, ир-ат коляскада йөрүче инвалид булган һәм йортта берүзе яшәгән.

Хәзерге вакытта янгынның сәбәпләре ачыклана.

Фото: ТР буенча Россия ГТХМ ДИ.