Сак булыгыз: телефон мошенниклары яңа, бик хәйләкәр схема уйлап тапканнар

Алар гражданнарга шалтыраталар, үзләрен кәрәзле элемтә операторлары дип таныштыралар һәм күңелсез хәбәр җиткерәләр. Аферистлар әйтүенчә, системада өзеклек килеп чыккан, шуңа күрә тариф кыйммәтрәк булган. Хәзер абонентка айга 2900 сум түләргә туры киләчәк.... Әлбәттә, кемнең үз тарифын арттырасы килсен. Шул ук вакытта мошенниклар Татарстанда яшәүче 20 меңгә якын кешенең мондый хәл белән очрашуын сөйли. Һәм шунда ук тынычландыралар — имештер, безгә клиентларыбыз кадерле, аларны артык чыгымнардан саклыйбыз дияләр. Шуңа күрә без сезгә шалтыратабыз. 

Шуннан соң түбәндәгеләрне тәкъдим итәләр:

Проблеманы чишү өчен хәзер сезгә код җибәрәм, аннары алга таба күрсәтмәләр бирермен. Бернәрсә дә белмәгән абонент бу операцияләрнең барысын да башкара, нәтиҗәдә аның счетыннан акча алына. 

Системада бозылу турында риваять кулланылганда тагын бер охшаш схема бар:

Мошенниклар россиялеләргә шалтыраталар, аларга ике ай бушлай тарифтан файдаланырга тәкъдим итәләр һәм кулланучының шәхси кабинетына керү кодын җибәрергә вәгъдә итәләр. Нәтиҗәсе беренче очрактагы кебек үк.

Нәтиҗә:
Кемгәдер акча, ниндидер код, парольләр җибәргәнче — бу мошенниклар түгеллегенә инаныгыз. Операторга шалтыратыгыз -һәм сезгә кәрәзле элемтә операторыннан шалтырату булганмы-юкмы икәнен төгәл әйтерләр. 
@Tatarstansos телефон мошенникларының яңа схемалары турында хәбәр итә.