Сугышчылар гомере безнең кулларга бәйле

Фотоны Юлия Плескач бирде

Без Лаеш шәһәрендәге маскировка ятьмәләре әзерләү цехы оештыручы Юлия Плескач белән сөйләшәбез.

-Юлия Александровна, маскировка ятьмәләрен бер көн генә ясамыйлар инде. Аларны үрә башлаганнан бирле нәрсәләр үзгәрде?

-Районда беренче булып маскировка ятьмәләре ясауны Столбищеда башлап җибәрделәр. Андагы осталар 40ар ятьмәдән торган партияләр озаталар! Менә ул эш! Аларга якын тирәдәге авыллар да – Нармонка, Габишево, Усады, Атабай һәм башкалар да кушылды. Аларга Марина Порфирьева җитәкчелек итә. Без аның белән районны ике зонага бүлдек. Безнең, Лаеш зонасына, Державино, Пәрәү һәм шәһәргә якын башка авыллар керә. Районда маскировка ятьмәләре үрү буенча 12 пункт эшли инде. Бездә дә, Лаешта да тәҗрибә туплана. Хәзер көненә берәр ятьмә үрергә өлгерәбез, ә бит аларның күләме шактый зур – 3кә 6 метр. Мондый ятьмәләр ярдәмендә хәрби техниканы, блиндажлар, окопларны каплыйлар. Өч сменада эшлибез – безнең егетләргә булышырга теләүчеләр күп.

-Сез үргән әйберләрдән кала исемлектә ниндидер үзгәрешләр бармы?

-Хәзер декабрь, кышкы варианттагы маскировка ятьмәләре кирәк. Алган темпны киметмәү өчен безнең осталарга материал – ак челтәр һәм ялтырамаган капрон кирәк. Тиздән ятьмәләрне күбрәк сатып алачакбыз, шуңа күрә зураябыз. Күп авыл җирлекләрендә нокталар ачачакбыз.

-Хәзерге вакытта нәрсә мөһим булуын ничек хәл итәсез?

-Барлык әзер эшләрне Казандагы “Хәрби хезмәткәрләргә ярдәмгә 16” һәм “Фәрештәләрнең алтын куллары” гуманитар ярдәм җыю пунктларына илтәбез. Аларга фронттагы сугышчылардан, алгы сызыктан төгәл заказлар килә. Без нәкъ менә шуларны үтибез.

-Яңа ел алдыннан сез “Өйдән сәлам” акциясе игълан иттегез. Бераз аңа тукталырга буламы?

-18 декабрьгә кадәр теләге булган һәр кеше кабул итү пунктына бер солдат өчен зур булмаган аерым тарма алып килә ала. Яңа ел бәйрәмнәрендә барырбыз һәм барлык посылкаларны тапшырырбыз. Бер солдатка – бер посылка. Безнең ир-егетләребез – шундый ук балалар, Кыш бабайдан бүләкләр көтәләр. Тартмага солдатка хат, татлы яңа ел күчтәнәче, җылы оекбашлар һәм перчаткалар, балаклава, теш пастасы һәм щетка, бритва һәм кырыну өчен гөбек, дезодорант, чәй һәм кофе пакетлары, куертылган сөт, бал һәм кайнатма салырга була. Гомумән, ир-егетләргә ошый торган әйберләр. Тартмага аны кем җыюын языгыз. Монысы мөһим: тартмаларны ныклап япмагыз, чөнки аларны пунктта тикшерәләр.

-Сез безнең сугышчыларга нәрсә булса да җибәрдегезме?

Безнең Лаешта, Пәрәүдә, 25 Октябрь исемендәге совхоз поселогында һәм техникумда үрелгән ятьмәләребез, осталарыбыз мәдәният йортында теккән 62 маскировка костюмы егетләргә озатылды инде. Ятьмәләр партиясе маскировка киемнәре һәм Лаеш балалар йортында тәрбияләнүчеләр һәм Пәрәү мәктәбе балалары язган хатлар солдатларга тапшырылды. Сугышчылар гомере безнең кулларга бәйле.

-Юлия Александровна, Сез “Без сезнең белән” хәрәкәтенә кушылырга теләүчеләргә, ләкин шикләнүчеләргә ниләр әйтер идегез. Мәсәлән, тегә дә, маскировка ятьмәсе үрә дә белмәүчеләр.

-Теләк булганда бар нәрсәгә өйрәнергә була. Мин гомумән, тегүче түгел, ә режиссер, шуңа да карамастан бу эшне башкара алам. Яхшы кәеф белән килү, бергәләр үрү һәм әңгәмәләшү генә кирәк. Чөнки безнең кул җылысы солдатларга күчә!