Татарстанда «Көзге каникуллар» профилактик чарасы старт алды

2023 елның 9 ай эчендә республика юлларында 347 юл-транспорт һәлакәте теркәлгән, аларда 11 бала һәлак булган һәм 361е яраланган.

Балаларны транспорт чараларында йөрткәндә аварияләр белән бәйле хәл аеруча борчылу тудыра. Ел башыннан 10 бала-пассажир һәлак булды. 
Юл хәрәкәтендә катнашучыларның бу категориясе белән хәл кискенләшү сәбәпле, балалар күпләп булган урыннарда балаларны йөртү кагыйдәләрен бозуны профилактикалау буенча чаралар узачак. 

Юл хәрәкәте кагыйдәләрен үтәмәгән яшь җәяүлеләр дә Дәүләт автоинспекциясе хезмәткәрләренең игътибарыннан читтә калмаячак. Бу акциядә юидчылар, "Россия укучылар хәрәкәте«ндә катнашучы укучылар катнашачак. Шулай ук ата-аналар комитетлары, «Ата-аналар патруле» һәм «Әтиләр патруле» кушылачак. Яшь җәяүлеләрнең хокук бозулары турында мәгълүмат аларның уку урыннарына тапшырылачак.

ЮХИДИ һәм БДД хезмәткәрләре ата-аналар, укучылар белән очрашулар үткәрәчәк, автотранспорт предприятиеләренә киләчәк.

Көннең кыскаруы шартларында, шулай ук уңайсыз һава шартлары аркасында килеп чыккан юл хәлләре белән бәйле рәвештә, ТР буенча Эчке эшләр министрлыгының Дәүләт автоинспекциясе юл хәрәкәтендә катнашучыларны игътибарлы, сак булырга һәм яктылык кайтара торган элементлардан файдаланырга чакыра.