Террорчыларга ярдәм иткән өчен 20 елга төрмәгә эләгергә мөмкин

Басма хәбәр иткәнчә, Россия Федераль иминлек хезмәтенең Татарстан буенча идарәсе республика территориясендә Украина махсус хезмәтләре оештырган хокуксыз акцияләр үткәрү омтылышлары санының артуын билгели.

«Аерым алганда, Украина милләтчеләре, Россия хокук саклау органнары һәм банклары хезмәткәрләре булып, республика халкына шалтыратып, аларга җинаять эшчәнлегенә җәлеп итү өчен психологик йогынты ясый», — дип хәбәр итте «Татар-информ» га Россия Федераль иминлек хезмәтенең ТР буенча идарәсе матбугат хезмәтендә.

Шуңа күрә Россия Федераль иминлек хезмәтенең ТР буенча идарәсе хезмәткәрләре республика халкын төрле чыганаклардан алынган мәгълүматны җентекләп тикшерергә һәм анализларга чакыра. 

ТР буенча Эчке эшләр министрлыгының җинаятьчеләрне эзләү идарәсе мошенниклыкларны ачыклау бүлеге башлыгы урынбасары, полиция подполковнигы Рафаэль Мусаев билгеләп үткәнчә, чит ил мошенниклары курьерлар сыйфатында балигъ булмаган һәм авыр хәлдә калган гражданнарны явыз ниятле кешеләргә алданган гражданнарның акчаларын җиткерү өчен кулланалар. Әгәр дә бу җинаятьчел төркемнең башлыгы чит илдә яшеренгән булса, Россиядә эшләүче курьер ахыр чиктә гаепләнүчеләрнең эскәмиясенә эләгә.

Ә террорчылык актларында катнашкан һәм террорчыларга ярдәм иткән өчен 20 елга кадәр ирегеннән мәхрүм итү рәвешендә җәза каралган.