«Автосессия» нең булачак катнашучыларына

Лаеш районында студентлар арасында чираттагы машина йөртү осталыгы конкурсына әзерләнәләр.
Юл хәрәкәте кагыйдәләрен белү конкурсның мөһим өлеше булып тора. Шуңа күрә «Юл хәрәкәте куркынычсызлыгы» ДБУ әйдәүче белгече Гөлшат Зәйнуллина һәм Лаеш ЮХИДИ Юл хәрәкәте иминлеге инспекторы Ләйсәнә Шәфигуллина булачак "Автосессия"дә катнашучылар белән очраштылар.

Алар яшь йөртүчеләргә юл йөрү кагыйдәләрен үтәүнең мөһимлеген искә төшерделәр. Балаларны йөртү таләпләренә игътибарны юнәлттеләр.
Очрашуда шулай ук транспорт йөртүчеләргә куркынычсыз режим үтәүнең, шул исәптән хәрәкәт тизлегенең конкрет шартларга туры килүен тәэмин итүнең, белем бирү оешмалары һәм балалар күпләп була торган урыннар янында тизлекне алдан киметүнең мөһимлеге турында да сүз барды.

Юл хәрәкәтендә катнашучыларның гомере һәм сәламәтлеге машина йөртүченең гамәлләренә бәйле, дип ассызыкладылар.