«Язгы каникуллар» — юлларда балалар травматизмын профилактикалау

Превью авторы Людмила Никифорова.

Балалар катнашындагы юл-транспорт һәлакәтләрен булдырмау максатларында ЮХИДИ хезмәткәрләре балигъ булмаганнарны йөртү һәм җәяүле балаларның куркынычсызлыгы кагыйдәләренә аерым игътибар бирә.
«Юл хәрәкәте куркынычсызлыгы» ДБУнең әйдәп баручы белгече Гөлшат Зәйнуллина, Лаеш районы буенча ЮХИДИ Юл хәрәкәте кагыйдәләрен пропагандалау инспекторы Ринат Дәүләтшин һәм яшь хәрәкәт инспекторлары балаларның юл-транспорт җәрәхәтләрен киметүгә юнәлдерелгән профилактик әңгәмәләр, акцияләр һәм рейдлар үткәрәләр.

Лаеш районы юл хәрәкәте иминлеге комиссиясе рәисе Азат Нурмөхәммәтов ата-аналарга мөрәҗәгать итә:
— Хөрмәтле әти-әниләр! Язгы каникуллар вакытында юлларда балаларның иминлеген контрольдә тотуны көчәйтегез. Аларга даими рәвештә юл хәрәкәте кагыйдәләрен исләренә төшерегез һәм уңай үрнәк булыгыз.
Түбәндәге киңәшләрне үтәгез:
1. Балаларның кайда булуын тикшереп торыгыз.
2. Юлда үз-үзеңне куркынычсыз тоту кагыйдәләрен аңлатыгыз.
3. Юлны тиешсез урыннарда кичүгә юл куймагыз.
4. Балаларны йөрткәндә балаларны тотып тору җайланмаларыннан һәм куркынычсызлык каешларыннан файдаланыгыз.
5. Машина юлыннан чыкканда кәрәзле телефоннар һәм колакчыннар куллануның куркыныч булуы турында кисәтегез.
Исегездә тотыгыз, балаларыгызның иминлеге һәм сәламәтлеге-сезнең кулларда!