«Инноватика»: Язгы каникуллар һәм юлда исән калу кагыйдәләре.

Усад авылының «Инноватика» күппрофильле лицеенда (биредә укучылар робототехника һәм цифрлы технологияләрне өйрәнә) язгы каникуллар алдыннан «Юл хәрәкәте куркынычсызлыгы» ДБУ әйдәп баручы белгече Гөлшат Зәйнуллина һәм Лаеш районы ЮХИДИ инспекторы Ләйсәнә Шәфигуллина юлларда гомерне саклау буенча әңгәмә уздырдылар.
Аерым игътибар яктылык кайтаручы элементларны куллануга юнәлтелде. Лицей кунаклары түбәндәге фактларны китерделәр:
— Яз көне көн озая, әмма иртәнге һәм кичке күренүчәнлек критик дәрәҗәдә кала.
— Киемдәге яктылык кайтаручы элемент фаралар яктысында җәяүле күренүчәнлеген 10–15 тапкырга арттыра.
— Канун буенча, торак пунктлардан читтә һәм караңгы вакытта йөргәндә, бу элементларның булуы «теләк буенча» түгел, ә «мәҗбүри» дип санала.

«Сез юлдан барганда, шофер өчен күренмисез икән — сез аның өчен бөтенләй юк дигән сүз», — дип аңлатты Гөлшат Зәйнуллина.
Ләйсәнә Шәфигуллина мотоцикл, квадроцикл һәм шәхси мобильлек чараларын (самокатлар һ.б.) йөртү таләпләрен искә төшерде.
Әңгәмә барышында лицей укучылары юл хәрәкәтендә катнашучылар өчен башка таләпләрне де кабатладылар.