Кресло урынына бустер: ярыймы, юкмы? ЮХИДИ инспекторы белән юл хәрәкәте кагыйдәләрен тикшерәбез

Превью авторы Людмила Никифорова. 
Укучы сорый: «Ә балаларны йөрткәндә бустер кулланып буламы?».
Бу сорауга Лаеш ЮХИДИ бүлегенең юл хәрәкәте иминлеген пропагандалау буенча инспекторы Ләйсәнә Шәфигуллина җавап бирә.

РФ Юл хәрәкәте кагыйдәләренең 22.9 пункты нигезендә, 12 яшькә кадәрге балаларны җиңел автомобильдә утыргычлар һәм тотып торучы җайланмалар кулланып йөртергә кирәк. 
7 яшькә кадәрге балалар өчен баланың авырлыгына һәм буена туры килә торган балаларны тотып тору системаларын (җайланмаларын) кулланырга кирәк.
7 яшьтән 11 яшькә кадәрге балалар өчен:
— алгы утыргычта — бары тик балаларны тотып тору җайланмасын кулланып кына;
— арткы утыргычта — каеш дөрес кулланылган очракта, тотып тору җайланмасын да, гадәти куркынычсызлык каешын да куллану рөхсәт ителә.
Бу таләпләрне бозучы РФ КоАП 12.23 маддәсенең 3 өлеше буенча административ җаваплылыкка тартыла.
Балаларны йөртү куркынычсызлыгының Россия һәм халыкара стандартлары буенча, бустерны куллану өчен минималь яшь — 4-5 яшь, шул ук вакытта бала 15 килограммнан да ким булмаска тиеш.
Кайбер экспертлар бустерга бала якынча 100-125 см озынлыкка җиткәч күчәргә киңәш итә. Бустерны бала 150 см чамасы озынлыкка җиткәнче кулланырга мөмкин, шуннан соң тулысынча штатлы куркынычсызлык каешына күчәргә мөмкин. 
Шуны да истә тотарга кирәк, бустерга күчү бала биш нокталы куркынычсызлык каешы булган автокреслодан үскәч кенә мөмкин, гадәттә 0 яшьтән 4-5 яшькә кадәрге балалар өчен кулланыла.