Лаеш районы мәктәпләре Бөтенроссия куркынычсызлык атнасына кушылды

Державино мәктәбендә куркынычсызлык атналыгы оештырылуы турында ЮИД отрядының яшь хәбәрчесес Арина Биксалина сөйли. 

— Безнең сыйныфларда куркынычсызлык почмаклары ясалган инде. Беренче сыйныф укучылары белән мәктәпкә хәвефсез килү маршрутлары төзеделәр. Класс сәгатьләрендә һәм ата-аналар җыелышларында юл-транспорт һәлакәтләре турында фикер алыштылар. Барлык укучылар белән куркынычсызлык техникасы буенча инструктажлар һәм юлда үз-үзеңне тоту кагыйдәләре турында әңгәмәләр үткәрелде.

19 сентябрьдә 1-4 сыйныф укучылары юлларда куркынычсызлык кагыйдәләре турында видеороликлар карадылар: «Юл хәрәкәте кагыйдәләре — җәяүлеләр өчен», «Җәяүлеләр», «Юлларда хәвефсез йөрү тәртибе». Юидчылар белән бергә велосипедчыларның үз-үзләрен тоту кагыйдәләрен искә төшерделәр һәм кабатладылар.

Белешмә өчен

Державино мәктәбендә ЮИД отряды белән Фирдәүс Хәмидуллинна җитәкчелек итә. 

Ә сезнең мәктәпләрдә Бөтенроссия куркынычсызлык атналыгы ничек уза? Ватсапка 8-962-55-14-888 номерына языгыз. 

Арина Биксалина фотосы