Лаеш районында имин каникулларга әзерләнәләр

Лаеш районында моны аңлыйлар һәм каникулларга актив әзерләнәләр, җәй мәктәп укучылары өчен куркынычсыз узсын өчен чаралар үткәрәләр
Державино урта мәктәбендә ата-аналар җыелышы булды, анда укытучылар һәм ЮХИДИ хезмәткәрләре юл хәрәкәте кагыйдәләре һәм юлда үзеңне ничек дөрес тоту турында җентекләп сөйләделәр. Ата-аналарга шәхси үрнәкнең мөһимлеге һәм балалар белән даими рәвештә куркынычсызлык мәсьәләләре турында фикер алышу кирәклеге турында искәрттеләр. 
— Без конкрет ситуацияләрне тикшердек. Мәсәлән, велосипед белән юлны ничек куркынычсыз кичәргә яки уеннар өчен урынны ничек дөрес сайларга, — дип уртаклашты җыелышка килгән әниләрнең берсе.

Комлы-Ковал урта мәктәбендә «Игътибар: балалар!». Юнкорлар укучыларга юл хәрәкәте кагыйдәләрен, нинди юл билгеләре булуын искәрттеләр. Яктылыкны кире кайтара торган элементлар темасын да читләтеп үтмәделәр.

— Безнең бурыч-һәр машина йөртүче балаларның иминлеге өчен үз җаваплылыгын аңларлык итеп эшләү. Юлда игътибар-иң мөһиме,- дип шәрехләде мондый чараларның максатын «Юл хәрәкәте иминлеге идарәсе» ДБУнең әйдәп баручы белгече Гөлшат Зәйнуллина. — Балаларның иминлеге-һәрберебезнең: ата-аналарның, машина йөртүчеләрнең, укытучыларның, барлык Лаеш районында яшәүчеләрнең кайгыртуы. Бары тик бергә генә без җәйге каникулларны балаларыбыз өчен куркынычсыз һәм шатлыклы итә алачакбыз.