Татарстанда «Автобус» профилактика чарасы башлана: 21–30 апрель көннәрендә юлларда нәрсәләр тикшереләчәк?
2026 елның 21 апреленнән 30 апреленә кадәр Татарстан территориясендә «Автобус» оператив-профилактика чарасы узачак. Төп максат — пассажир транспорты шоферлары гаебе белән булган аварияләр санын киметү һәм ташучыларның юл хәрәкәте кагыйдәләрен саклавын контрольдә тоту.
Рейд кысаларында ЮХИДИ хезмәткәрләре түбәндәгеләрне тикшерәчәк:
— автобуслардан файдаланырга рөхсәт итүче документлар пакетының булуын;
— шоферларның рейс алдыннан медицина тикшерүе узуларын;
— линиягә чыгар алдыннан транспорт чараларының техник торышын.
Пассажир ташу белән шөгыльләнүче вазыйфаи һәм юридик затлар арасында кагыйдә бозуларны кисәтүгә аеруча зур игътибар биреләчәк.
Дәүләт автоинспекциясе автотранспорт предприятиеләре җитәкчеләренә искә төшерә: гражданнарның куркынычсызлыгы юл кагыйдәләрен тайпылышсыз үтәүгә турыдан-туры бәйле.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев