Төнге юл-транспорт һәлакәте: Столбище-Атабай трассасында автомобиль кабан белән бәрелешкән
Кичә, 2025 елның 21 апрелендә, тәүлекнең караңгы вакытында Столбище-Атабай автоюлының 6 нчы чакрымында кабан белән автомобиль бәрелешкән.
Шофер куркынычсыз тизлекне сайламаган, юл аша йөгереп чыккан кыргый хайванны бәрдергән.
Урман җәнлеге качкан, ә транспорт чарасы зыян күргән.
«Юлның бу участогында кыргый хайваннар турында кисәтү билгесе юк. Шуңа бәйле рәвештә административ хокук бозу турында эш кузгатудан баш тарту турында карар чыгарылды», — дип хәбәр итте Лаеш районы буенча ЮХИДИ юл хәрәкәте кагыйдәләрен пропагандалау буенча инспекторы Ринат Дәүләтшин.
Белешмә өчен: узган ел шул ук юл участогында пошины бәрдергәннәр иде.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев