Усадыга керү алдыннан җәяүле трактор астына эләгә

Кара куртка кигән хатын юл кырыеннан барган. Аның киемнәрендә чагылыш элементлары булмаган. Ул машиналарның аны бәрдерә алуына әһәмият бирми: таң атканда, каршы килгән автомобильләр уты яктысында һәм юеш асфальтта ул бөтенләй күренми.

Ашыгыч ярдәм авыр хәлдә зыян күргән кешене медицина учреждениесенә алып китә. 

— Хөрмәтле җәяүлеләр! Шуны онытмагыз: караңгы вакытта торак пунктлардан читтә юлның йөрү өлешендә җәяүленең киемнәрендә яктылык кайтаручы элементлар булырга тиеш! Без исә киемнәрдә яктылык кайтаручы элементларны торак пунктларында йөргәндә дә булдырырга киңәш итәбез, — дип мөрәҗәгать итте юл хәрәкәтендә катнашучыларга Лаеш Эчке эшләр бүлегенең ЮХИДИ идарәсе башлыгы Марат Шиһапов. — Яктылык кайтаручы элементлар автотранспорт йөртүчеләргә сезне юлда вакытта күрергә мөмкинлек бирәчәк. Үзегезне саклагыз, куркыныч астына куймагыз!