Юл хәрәкәте иминлеге

Балигъ булмаган машина йөртүчеләр аеруча борчылу тудыра.

Превью авторы Людмила Никифорова.

Әти-әниләргә Лаеш районы юл хәрәкәте иминлеге комиссиясе рәисе Азат Нурмөхәммәтов мөрәҗәгать итә:

— Хөрмәтле ата-аналар, йөртү таныклыгы алганчы балаларыгызга мототранспорт сатып алмагыз! Руль артындагы балалар — җитди куркыныч! Балигъ булмаган машина йөртүчеләр аеруча борчу тудыра.

Лаеш районы дәүләт автоинспекциясе искә төшерә. 

— Әгәр балагыз транспорт белән хокуксыз идарә итә икән, сезгә административ җаваплылык яный (РФ Административ хокук бозулар кодексының 5.35 маддәсе).

— Скутер/мопед белән идарә итү өчен 16 яшьтән «М» категориясе хокукы, Дәүләт автоинспекциясендә уку һәм имтихан кирәк. 

— Идарәне хокуксыз кешегә тапшыру – 30 000 сум штраф! 

Лаеш районы дәүләт автоинспекциясе юл йөрү кагыйдәләрен үтәргә һәм юлларда үзара ихтирамлы булырга чакыра. 

Машина йөртүчеләр, җәяүлеләргә һәм велосипедчыларга игътибарлы булыгыз!

Исегездә тотыгыз: руль артында утыручы балалар — яшь машина йөртүченең үзе өчен дә, тирә-юньдәгеләр өчен дә җитди куркыныч.