Лаеш районында «Рыбе быть — балык булсын» акциясе узды

Татарстанда Советлар Союзы Герое, Бөек Ватан сугышы ветераны Борис Кузнецов хөрмәтенә оештырылган «Рыбе быть — балык булсын» акциясе узды. Аның максаты балыкларга, сулыклар боз белән капланганда, кислород җитмәгәндә, кышны үткәрергә ярдәм итү иде.
Чара төбәк әһәмиятендәге «Мишә елгасы тамагы» дәүләт табигый зоология тыюлыгы территориясендә узды. Биоресурслар буенча ТР Дәүләт комитеты хезмәткәрләре, район балык заводы хезмәткәрләре, балык тоту кардәшлеге вәкилләре һәм балык тотарга яратучылар бергәләшеп балыкларга кышларга ярдәм иттеләр.
Акция кысаларында катнашучылар чокырлар борауладылар һәм аларга камыш көлтәләре салдылар. ТР биоресурслар буенча дәүләт комитетының Лаеш районы буенча районара бүлеге башлыгы Илнур Вәлиуллин аңлатканча, камыш табигый насос кебек эшли: балыкларны кислород ачлыгыннан коткарып, сабаклар аша боз астына кислород керә.