Камалетдиновлар УАЗы СВО зонасына китә

Автор фотосы

Камалетдиновлар гаиләсе, Лаеш районының күп кенә битараф булмаган яшәүчеләре кебек, читтә калмый һәм махсус хәрби операция зонасында булган безнең сугышчыларга ярдәм итә.

Эшмәкәр Эдуард Камалетдинов үз карамагында бүген Россия Кораллы Көчләре сафларында хәрби бурычларын үтәүче эшчәннәр булуы һәм махсус хәрби операциядә катнашулары турында сөйләде. Кичәге төзүчеләр, инженерлар, йөк ташучылар, машина йөртүчеләр бүген махсус хәрби операциядә катнашалар.

-Минем дусларым һәм коллегаларым тыныч хезмәттәге белгечлекләрен хәрби формага алыштырдылар һәм хезмәт итәргә киттеләр, - дип сөйли Эдуард Руслан улы. -  Кемнәрдер өлешчә мобилизация буенча чакырылды, ә кайберләре үзләре теләп китте. Менә шуңа күрә безнең бар гаилә көчтән килгәнчә безнең якташ хәрби хезмәткәрләргә ярдәм итә.

Эшмәкәр үзенең гаиләсенә автомобильне сугышчыларга озату идеясенең ничек барлыкка килүе турында сөйләде.

- Транспорт чарасы гади көнкүреш ихтыяҗларны оператив хәл итү өчен бик тә кирәк: су алып килергә, яралыларны күчерергә дә. Төзек хәлдәге дүрт көпчәкле ярдәмче бервакытта да артык булмас, монысы ачык. Безнең ишегалдында менә шундый тора да инде. “УАЗ” маркалы автомобиль, ул яхшы хәлдә, әмма машинадан файдаланмыйбыз, чөнки башкалары бар. Күптән түгел гаилә киңәшмәсендә без аны СВО үткәрү зонасына җибәрергә хәл иттек. Бу яктан бер нинди бәхәс булмады. Минем әни, әти һәм туганнарым бу идеяне хупладылар. Хәзер без аны озатуга әзерлибез. Әйе, машина яңа түгел, әмма яхшы хәлдә.

Яшь эшмәкәр ишегалдына чакырды, машинаны кабызды, кулы белән кардан чистартып алды. Машинаны яралыларны госпитальгә озату өчен файдаланырга, ашамлыклар һәм эчә торган су ташырга була.

-Әгәр УАЗ яралы гомерен саклап калса яки ашамлыклар алып килергә булышса – бу безнең ишегалдында торганнан яхшырак бит, - дип билгеләп үтте Эдуард Руслан улы. -  Барлык кешеләргә хезмәт итәргә һәм файдалы булырга тиеш. Бездә ул тик тора иде, ә анда эшләячәк.

 Лаеш районында 24 яшьлек эшмәкәр Эдуард Камалетдинов кебек шундый җаваплы һәм төпле яшьләр булуы куандыра.