Районның яңа имам-мөхтәсибе сайланды

Районның матбугат хезмәте хәбәр иткәнчә, мөхтәсиб сайлау тантанасында Лаеш район башлыгы Илдус Зарипов та катнашкан. Лаеш районы имамнары моңа кадәр биш ел Нурлат районы имам-мөхтәсибе булган Наил хәзрәт Әбелханов өчен тавыш бирделәр.

 Шушы вакыт эчендә Нурлат районында белем бирү үзәге ачылган, халыкның социаль якланмаган катлавы өчен ике туклану пункты эшли башлаган. Мәетләрне юу өчен бина ачылган, балаларга татар теле укыту буенча эш оештырылган. Әмма иң мөһиме – районда конфессияара һәм милләтара татулык ныгыган. Монда дин әһелләренең дә өлеше зур.