«Россия йөрәге» утын Лаеш районыннан Балык Бистәсе районына тапшырдылар

«Россия йөрәге» уты Муром монастыреннан китерелгән, анда гаилә һәм никахны саклаучылар саналган Изге Петр һәм Феврония калдыклары саклана. Мәскәүдән 12 лампа илебез төбәкләренә юнәлде. Гаилә учагы белән бер капсула Казанга китерелгән һәм шуннан бирле Татарстан буйлап сәяхәт итә.
Унынчы августта эстафетаны Имәнкискә авылыннан Радик һәм Алия Шәймөхәммәтовлар гаиләсе кабул итте. Атнадан артык вакыт дәвамында яшь пар Бөтенроссия гаилә учагына кагылырга һәм үз учагын кабызырга мөмкинлек алды.
Шулай ук бүген ЗАГСта быел бергә яшәүләренең 50 еллыгын билгеләп үтәчәк яки инде билгеләп үткән гаиләләрне хөрмәтләделәр. Болар — Юрий һәм Надежда Барышевлар, Николай һәм Татьяна Саловлар, Алексей һәм Ольга Белоусовлар. Аларга музыкаль бүләкләрне Фидаил Вәлиуллин әзерләде.
Учакны Балык Бистәсе районы вәкилләренә тапшырыр алдыннан барлык гаилә парлары бергә бәхетле тормыш серләре белән уртаклаштылар. Бу гафу итү һәм компромисслар табу, юмор хисен саклап калу һәм балаларны тәрбияләү, һәм, әлбәттә инде — Мәхәббәт.