Лаеш балалар китапханәсендә «Тылсымлы әкиятләр дөньясы» ачылды

Гримм фамилияле әкиятчеләрнең исемнәрен һәркем балачактан ук белә. Тышлыгында «Бертуган Гриммнарның әкиятләре» дип язылган китап күзгә чалынса, һәрвакыт гүзәл принцессаларны, ахмак алыпларны, тапкыр солдатларны, батыр тегүче, Белоснежканы һәм башка геройларны елмаеп искә алабыз.

Үз гомерләрендә язучылар бик күп әсәрләр бастырган, ә аларның «Балалар һәм гаилә әкиятләре» җыентыгы хаклы рәвештә дөнья әдәбияты хәзинәсендә урын алган. 
Якоб Гриммның тууына 240 ел тулу уңаеннан Үзәк балалар китапханәсе абонементында «Тылсымлы дөнья әкиятләре» әкият-күргәзмә оештырылды. 
Күргәзмә ике бүлектән тора: «Бөек немец әкиятчеләре» һәм «Балалар әкиятләре». Беренче бүлектә танылган авторларның тормышы һәм иҗаты турында китаплар тәкъдим ителгән. 

Икенчесендә «Йоклаучы гүзәл», «Золушка», «Ботка чүлмәге», «Кызыл калфак», «Алтын каз», «Белоснежка һәм җиде гном», «Гензель һәм Гретель», «Борчак өстендә принцесса» әсәрләре тәкъдим ителгән. 
Әкият күргәзмәсендә яшь укучылар искиткеч фантазия һәм тылсым дөньясына чума алачак!