Лаешта «Белогорье» Яшьләр үзәге базасында«2026 елның 17 июнендә «Добрый Лаишевский» күпфункцияле волонтерлык һәм гражданлык башлангычларының системалы ярдәм итү үзәге ачылды.

Яңа үзәк ачылу кебек зур вакыйга белән җыелган халыкны Лаеш районы башлыгы Илдус Зарипов котлады.

«Без волонтерлыкны үстерү өчен яңа форматтагы киңлек ачабыз. «Добрый Лаишевский» – федераль Волонтерлык үзәкләре ассоциациясенең бер өлеше. Биредә өйрәтәчәкләр, ярдәм итәчәкләр, проектларны тормышка ашырырга булышачаклар. Бу урында һәркем үз юлын табачак!»

«Добрый Лаишевский» күпфункцияле  волонтерлык һәм гражданлык башлангычларының системалы ярдәм итү үзәге нәрсә тәкъдим итә?
• Район халкы өчен консультацияләр.
• Очрашулар һәм чаралар уздыру өчен бүлмәләр.
• Беренче ярдәм күрсәтү күнекмәләренә өйрәтү.

• Күршеләребезгә авыр тормыш хәлләрендә ярдәм итү.
• Федераль проектларга, шулай ук Росмолодёжь, Президент грантлары фонды һәм «Татнефть» грантларына юл ачу.

Волонтерларга методик ярдәм һәм этәргеч
Район халкының башлангычлары методик ярдәм ала, ә волонтерлар үзләренең хезмәт сәгатьләрен электрон китапчыкта рәсми рәвештә раслый ала. Бу яшьләр өчен укуга кергәндә һәм эшкә урнашканда аеруча мөһим.

Татарстан Республикасы Яшьләр эшләре министры урынбасары Владислав Усанов билгеләп үткәнчә, Казанның һәр районында да мондый искиткеч яшьләр үзәге юк, өстәвенә аның базасында күпфункцияле  волонтерлык һәм гражданлык башлангычларының системалы ярдәм итү үзәге дә ачыла. Ул иреклелек – кешене игелекле, яхшы һәм Россиянең чын гражданы итеп тәрбияләргә мөмкинлек бирүче төп нигез булуын ассызыклады.

Лаеш районында иреклеләр (волонтерлык) эшчәнлеге

Лаеш районында волонтерлык эшчәнлеге «2026–2030 елларга Лаеш муниципаль районының яшьләр сәясәтен үстерү» муниципаль программасы һәм аның «2026–2030 елларга иреклеләр хәрәкәтен үстерү» программасы ярдәмчелеге кысаларында гамәлгә ашырыла.

Район «Көзге һәм язгы игелек атналыгы», «Добрый Татарстан» республика премиясе һәм #МыВместе Халыкара премиясе кебек республика акцияләрендә актив катнаша.

Уку йортларындагы волонтерлык отрядлары
Белем бирү учреждениеләре базасында эшләүче волонтерлык һәм тимурчылар отрядлары педагоглар җитәкчелегендә 1300дән артык укучыны берләштерә.

Алар өлкәннәргә һәм ветераннарга ярдәм итәләр, патриотик чаралар уздыралар, һәйкәлләрне төзекләндерәләр, сәламәт яшәү рәвешен пропагандалыйлар, ял вакытын оештыралар, гуманитар ярдәм җыялар һәм МХОда катнашучыларга булышалар.

«Җиңү волонтерлары» штабы
«Җиңү волонтерлары» штабына 14 яшьтән 18 яшькә кадәрге 305 катнашучы керә. Алар «Җиңү диктанты», квестлар, «Хәтер шәме», «Георгий тасмасы» һәм «Хәтер бакчасы» акцияләрен уздыралар. Бу чаралар тарихи хәтерне саклауга һәм яшьләрне тәрбияләүгә юнәлтелгән.

Татарстан Республикасы Иреклеләр мәгълүмат-ресурс үзәге вәкиле Полина Филатова үз оешмасының җиде еллык эшчәнлеге дәвамында республикада ирешкән нәтиҗәләре белән уртаклашты. Ул Лаеш районында күпфункцияле  волонтерлык һәм гражданлык башлангычларының системалы ярдәм итү үзәге ачылуның иреклеләр  хәрәкәтенең федераль командасына кушылуын зур горурлык белән ассызыклады.

«Белогорье» яшьләр үзәге һәм волонтерлар оештырган чаралар

«Белогорье» яшьләр үзәге һәм волонтерлар төрле чаралар оештыра, алар арасында: «Георгий тасмасы», «Триколор» акцияләре, һәйкәлләрне тәрбияләп тору, хәйрия ярминкәләре, МХОда катнашучыларга һәм аларның гаиләләренә ярдәм итү, мохтаҗлар өчен әйберләр җыю, беренче ярдәм күрсәтү буенча мастер-класслар, Добро.рф платформасында эшләргә һәм социаль проектлауга өйрәтү, экологик өмәләр һәм чаралар өчен волонтерлык корпуслары төзү.

Лаеш районының иреклеләр  хәрәкәтенә кушылыгыз һәм җәмгыятьне үстерүгә үз өлешегезне кертегез!