Авыл халкы белән очрашу

Автор фотосы.

Авыл мәдәният йорты фойесы барлык теләүчеләрне иҗади эшләр күргәзмәсе белән каршы алды. ТРның атказанган сәнгать эшлекчесе, Казан дәүләт архитектура-сәнгать университеты укытучысы Ришат Cәләхетдинов башкарган  рамадагы зур киндердә Коръәннең каллиграфик язмасы күзне шунда ук җәлеп итте. Классик  рәсем сәнгать остасы хатыны әйтүенчә, ул шәһәр мәшәкатьләреннән читтә эшләргә ярата. Шуңа күрә рәссам-каллиграф һәм монументалист тормышының шактый өлешен үткәрә торган иҗади остаханәне авыл  җирлегендә оештырган.

"Мәктәп тарихы битләре" экспозициясе кунакларны архив материаллары белән җәлеп итте. Иске фоторәсемнәр, буклетлар һәм альбомнар мәктәп тарихының зур катламын сыйдырды, аның төп геройлары авылдашлары – укытучылар һәм укучылар. Зур булмаган концерт кысаларында җыелучылар алдында җирле  үзешчән артистлар чыгыш ясады. Өлкәннәр һәм балалар тамашачыларны үз талантлары белән сөендерде.