Татарстан Республикасы Арча районы Яңа Кырлай авылында урнашкан Габдулла Тукай дәүләт әдәби-мемориаль музей комплексына Имәнкискә мәктәбенең 50 укучысыннан һәм әти-әниләреннән торган төркем барып кайтты.
Бу сәяхәт отылган грант, шулай ук «Өч халык — өч мирас» проекты чарасын тормышка ашыру нәтиҗәсендә мөмкин булды.
Сәяхәтнең максатлары
- Белем бирү: Шагыйрь иҗатының Казан чоры һәм аның балачагы белән бәйле интерактив зоналарга аерым игътибар бирелде.
- Мәдәни-агарту: экскурсиядә катнашучылар Тукайның үги әтисе Сәгъди абый утарын күрделәр һәм XIX гасыр ахыры татар авылы көнкүреше белән таныштылар.
- Тәрбияви: сәяхәт Татарстанның тарихи мирасына хөрмәт тәрбияләргә һәм милли үзаңны үстерергә ярдәм итә.
Экскурсия нәтиҗәләре
Музей комплексында булганнан соң, балаларның һәм әти-әниләрнең милли әдәбиятка карата кызыксынуы артты. Укучылар музейның заманча мультимедиа зоналары белән таныштылар, шагыйрьнең балачагы турында яңа мәгълүматлар белделәр һәм бу көнне гаджетлардан башка, китап һәм мәдәниятка игътибар бирелде.
Проект кысаларында оештырылган беренче сәяхәт 100%ка уңышлы үтте, барлык катнашучылар да уңай бәя бирде. Актив катнашканыгыз һәм проектка кызыксыну белдергәнегез өчен барыгызга да рәхмәт! Проектның чираттагы этабы өчен документлар әзерләнә.
Нет комментариев